##يستحق البرد من ضيع دفاهـ ##

[جريح المحبة]

قصيدة رائعة انقلها بين أيديكم ... عساها تنال إعجابكم ....





يستحق البرد من ضيّع دفاه
خلّه بْنيران شوقه يكتوي



بعد ماكنت الوسادة والغطاه
أحضنه وأترك حنانه يرتوي



ماهقيت إن الخيانة مبتغاه
وأثره الخاين لوى حبّي لوي



ياحسافه عمري ضيّعته معاه
كنت أظنّه يضوي دْروبي ضوي



وللأسف نور الفرح فيني طفاه
جرْح غدره مادواه إلا الكوي



بصرخ بْصوتي وأردّد مع صداه
آه ياصوت الألم يدوي دوي



ماأبيه ولا أبي منّه رجاه
القسا بْجوفي كما ذيب يْعوي



هذا قلبي مايعاشر من عصاه
دنيته صفحه وبطويها طوي



يستحق البرد من ضيّع دفاه
خلّه بْنيران شوقه يكتوي





تقبلوا تحياتي

[الثلجة البيضاء]

صح لسان الشاعر ولا هنت

يعطيك العافية..وننتظر دومــا جديدك المميز,,

لك تحياتي,,

[جلنــآر]

صح لسانك عالقصيد الطيب
ولا عدمنا يمناك
,’,تحياتي لك,’,

[جريح المحبة]

شاكر لكم المرور على الموضوع والردود

يعطيكم ألف عافية


تقبلوا تحياتي