المرجله

[لذة غرام]

هذه القصيدة لنوف بنت شطيط العتيبي وهي قصيدة رائعة في معناها ومبناها ، وتسندها لأخيها الشقيق ، وتبين له معنى المرجله الحقيقية مع شيء من النصائح والحكم ، أترككم مع الشاعرة وقصيدتها:






إذا المراجل لبسـة شمـاغ وعقـال##قـل للعـذارى يلبـسـن العمـايـم


ماعاد يفرق زول حرمـه ورجـال##دام الفعايـل تشبـه البعـض دايـم


المرجلـه ماهيـب كلمـة وتنقـال##وتروح ماراحـت هبـوب النسايـم


ولاّ خشونة صوت أو رفع الاثقـال##أو رزّة صـدور وفعـل الـزلايـم


ولاهي بعد مفتـاح موتـر وجـوال##ولاّ ردى لسانـن حديثـه شتـايـم


المرجله شيمه عـن القيـل والقـال##رفيـع نفـسٍ حـر بالجـو حايـم


المرجله عقـل وزن وزنـه جبـال##ودون العقـل وش فرْقنـا والبهايـم


يامسندي لو مايل الوقت بـي مـال##ياولـد ابويـه ياعظيـم العـزايـم


يامعرب الجدين من العـم والخـال##يانخـوة المفـزوع وقـت الهزايـم


المرجله ياخوي هي طولـة البـال##هي العزم هـي الصبـر فالظلايـم


فيهـا الكـرم عـزه دلـه وفنجـال##فيها الكرامة عن ردى الطبع شايـم


والدِين لامنه خـذا القلـب منـزال##مشى طريق الحـق وابليـس نايـم


ومن لاعرف ربه في طيّب الحـال##لابـد وقـت الضيـق بالهـم هايـم


حتى صلاتك مع جماعات ورجـال##في خيرهـا ياخـوي نعـم الغنايـم


ولامن نصف ليلك قم صفـي البـال##ياعظم أجـرك بيـن ساجـد وقايـم


ولامن رفع ربي له كـل الأعمـال##حسن الذكر لاقالـو فـلان صايـم


وخلك شريف القصد ياطيب الفـال##سـوء المقاصـد فالبيـوت الهدايـم


واحذر تبيع النفس في درب الأنذال##وتتبع خـوي ابليـس راع النمايـم


النفس خيـل لـك إذا كنـت خيـال##ومن لاقوى نفسـه قوتـه الهزايـم


ولا صرت ماتدري لويش أنت رجال##والله خسـارة فيـك ذبـح التمايـم

[الثلجة البيضاء]

الوهاج قصيده رائعـــــة في صياغتها ومضمونها’’

صح لسان الشاعر ولا هنت’’


لك كل الاحترام,,

[لذة غرام]

شكرا على المرور العطر

[لوتس]

تسلم الوهاج على القصيدة الروعة
الله يعطيك العافية
لك ودي واحترامي

[لذة غرام]

الله يعافيكي على المرور